სამყაროს შექმნა
ძალიან დიდი ხნის წინათ, უხსოვარ დროს, არ იყო არც მიწა,
არც მზე, არც ვარსკვლავები, არსებობდა მხოლოდ ღმერთი, ყოვლად წმინდა, ყოვლად დიდებული,
ყოვლად კეთილი სული. მის დიდებულებას, მის სიყვარულს მოწმობს მისივე შესაქმე - ღმერთმა
შექმნა ცა, მიწა და ყველაფერი, რაც მათშია. ღმერთი ყოვლად ძლიერია. მას შეეძლო წამისყოფით
(თვალის დახამხამებაში) შეექმნა ყველაფერი, მაგრამ ასე არ ინება - თანდათანობით, „ექვს
დღეში“ შექმნა სამყარო.
„თავდაპირველად შექმნა ღმერთმა ცა და მიწა“ - ასე იწყება
„დაბადება“, ანუ შესაქმე“, ბიბლიის პირველი წიგნი. ცაც და მიწაც ღმერთმა არარასგან
(არაფრისგან) შექმნა. გაიფიქრა, და შეიქმნა ცა, თქვა, და შეიქმნა მიწა.
